Youth Resilience Towards DAY-ZERO

"ഹൌ മെനി കിലോമീറ്റെർസ് ഫ്രം വാഷിംഗ്‌ടൺ ഡീസി ടു മിയാമി ബീച്ച് "
"അയാം ദി ആൻസർ ,.. "

"നിക്ക് നിക്ക് , വാഷിംഗ്‌ടൺ ഡീസിയും , മിയാമി ബീച്ചും അബടെ നിക്കട്ടെ, ഇന്ത്യൻറെ ഒരറ്റത്തു നിന്ന് മറ്റേ അറ്റത്തേക്ക് ഹൌ മെനി കിലോമീറ്റെര്സ് എന്ന് അനക്കറിയോ ?"

"അത്പ്പോ ?"

"അറിഞ്ഞൂടാല്ലേ ! ന്നാ ഞാമ്പറഞ്ഞ്  തരാം. ഒരു മുവ്വായിരം കിലോമീറ്ററിന്റെ മോളില് വരും "

"എന്റമ്മോ.!!"

" എന്തേയ് കേട്ടപ്പോ ഒരന്ധാളിപ്പ്? ന്നാ ഒന്നൂടെ കേട്ടോ , ഇദ്ദൂരം മൊത്തം മ്മളെ രണ്ട് ചങ്ങായിമാര് ട്രിപ്പടിക്കാൻ എറങ്ങുവാ"

"ഐലിപ്പെന്താ ഇത്ര കഥ , മ്മടെ സഞ്ചാരീലെ പിള്ളേരൊക്കെ കോഴിക്കോട്ടങ്ങാടീൽ പോകുമ്പോലല്ലേ ലഡാക്കും മണാലീം , ഹിമാലയോമൊക്കെ കേറിയെറങ്ങി നടക്കിന്നതു"

"ന്നാ ഇത് കഥ വേറാ , ഇവല് പോകുന്നത് ബുള്ളറ്റിലും , കാറിലും , ബസ്സിലും ഒന്നും അല്ല , സൈക്കിളിലാ, കാശ്മീർ കൂടാണ്ടു ഐനപ്പറം നേപ്പാളിലും  , ഭൂട്ടാനിലും ഈ പഹയമ്മാര് രണ്ടു ചക്രത്തിമ്മൽ പോക്ന്ന്ണ്ട്. എല്ലാം ആകെ മൊത്തം ടോട്ടല് ഒരു 8000 കിലോമീറ്റര് "

"പടച്ചോനെ ഇവമ്മാര്ക്കെന്താ വട്ട്ണ്ടോ ?"

അതെ ഇതൊരു പ്രത്യേക തരം വട്ടാണ് ഭായ് , കാടും മേടും , നാടും , നഗരവും കാണാനുള്ള വട്ട്. ഇന്ത്യയുടെ നാനാ വിധ സംസ്കാരങ്ങളിലൂടെയും, വൈവിധ്യങ്ങളിലൂടെയും യാത്ര ചെയ്യാനുള്ള അടങ്ങാത്ത വട്ട്. നാടിനെയും നാട്ടുകാരെയും അറിയാനുള്ള വട്ട്. ഒപ്പം സമൂഹത്തിലേക്ക് ഒരു സന്ദേശമെത്തിക്കാനുള്ള വട്ട്. ചില വട്ടൻമ്മാരിങ്ങനെയാണ്, അവരെയാണ് നമ്മൾ യഥാർത്ഥ സഞ്ചാരികളെന്നു വിളിക്കുന്നത്. ഈ  വട്ടിന് ഒരേയൊരു മരുന്നേയുള്ളൂ. Travel as much as you can. എന്നാലും ഈ വട്ട് കൂടിക്കൂടി വരികയെ ഉള്ളൂ.

അതെ ജിത്തുവും ടോണിയും ഒരു സ്വപ്ന സാക്ഷാത്കാരത്തിന് തുടക്കം കുറിച്ചിരിക്കുകയാണ്. ജല സംരക്ഷണ സന്ദേശവുമായി കന്യാകുമാരി മുതൽ കാശ്മീർ വരെ ഒരു യാത്ര പറ്റുമെങ്കിൽ നേപ്പാളും , ഭൂട്ടാനും കൂടി. അപ്പൊ എങ്ങനാ കൈകൊടുത്തു കൂടെ കൂട്ടുകയല്ലേ ?

🚴#K2K
#YouthResilienceTowardsDAY-ZERO