#TogetherWeCan #KeralaFlood #StandWithKerala #DoForKerala
ന്യൂ ജെനറേഷൻ - സാമൂഹ്യ രാഷ്ട്രീയ ബോധമില്ലാത്തവർ, ചുറ്റും നടക്കുന്നതൊന്നും അറിയാതെ മൊബൈലിൽ തലയും കുത്തി ഇരിക്കുന്നവർ, മുടിയും താടിയും നീട്ടി കഞ്ചാവടിച്ചു നടക്കുന്നവർ. ഇത്തരത്തിലുള്ള പല അബദ്ധ ധാരണകളേയും കാറ്റിൽ പറത്തുന്ന കാഴ്ച്ചകളാണു കഴിഞ്ഞ ഏതാനും ദിവസങ്ങളായി കേരളം കണ്ടത്‌.
ഫ്ലഡ്‌ റിലീഫ്‌ വളണ്ടിയറിങ്ങിന്റെ ഭാഗമായി തിരുവനന്തപുരത്തെ രണ്ടു മൂന്നു ക്യാമ്പുകളിൽ ഞാനും പോയിരുന്നു. ഇവിടങ്ങളിലെ പുതു തലമുറയുടെ ഇടപെടൽ വളരെയധികം അദ്ഭുതകരമായിരുന്നു. ക്യാമ്പ് വളണ്ടിയർമ്മാരിൽ മുക്കാൽ പങ്കും ഇന്നത്തെ തലമുറയിൽ ഉള്ളവർ ആയിരുന്നു. ജാതി മത രാഷ്ട്രീയ വേർതിരിവുകൾ ഇല്ലാതെ എല്ലാവരും ഒരേ മനസ്സോടെ ആത്മാർഥമായി പ്രവർത്തിക്കുന്നത് കണ്ടു മനസ്സ് നിറഞ്ഞു. എന്തായാലും , കേരളത്തിന്റെ ഭാവി പുതു തലമുറയിൽ തീർത്തും സുരക്ഷിതമായിരിക്കും എന്ന കാര്യം ഉറപ്പാണ്.
ആപത്തു കാലത്തു കേരളത്തെ കൂടെ നിന്നു കൈപിടിച്ചുർത്തിയ എല്ലാ വളണ്ടിയേഴ്സിനും ഒരായിരം നന്ദി.
വീട്ടിൽ തീ പുകഞ്ഞില്ലെങ്കിലും, ചെറുതായാലും തങ്ങളാൽ കഴിയുന്ന സാധനങ്ങൾ ക്യാമ്പുകളിൽ സംഭാവന ചെയ്യാനായി ഓടിയ എല്ലാ നല്ലവരായ നാട്ടുകാർക്കും, പലപ്പോഴും വണ്ടിക്കൂലി പോലും വാങ്ങാതെ ക്യാമ്പുകളിലേക്ക് സാധനങ്ങൾ എത്തിക്കാൻ സഹായിച്ച അനന്തപുരിയിലെ ഓട്ടോ / ടാക്സി / ലോറി ചേട്ടൻമ്മാർക്കും, സ്വന്തം ജീവൻ പണയംവച്ചു മറ്റുള്ളവരെ രക്ഷിക്കാൻ ഇറങ്ങി നാടിന്റെ അഭിമാനമായി മാറിയ തുമ്പയിലെയും, കോവളത്തെയും, വർക്കലയിലെയും മത്സ്യത്തൊഴിലാളി സഹോദരൻമ്മാർക്കും, എപ്പോ വിളിച്ചാലും കൂടെയെത്തുന്ന സൈന്യത്തിനും, സർവോപരി ഒരു കുടുംബാംഗത്തെപ്പോലെ ക്യാമ്പുകളിൽ വളണ്ടിയേഴ്സിന്റെ കൂടെ നിന്ന തിരുവനന്തപുരത്തിന്റെ സ്വന്തം കളക്ടർ ചേച്ചിക്കും, ഡിസ്ട്രിക്ട് അഡ്മിനിസ്‌ട്രേറ്റീവ് സ്റ്റാഫ്‌സിനും തീർത്താൽ തീരാത്തത്രയും നന്ദി
ചെറുതെങ്കിലും എന്നാൽ കഴിയുന്ന സഹായങ്ങൾ ചെയ്യുവാനായി ഒരു പ്ലാറ്റഫോം തന്ന ട്രിവാൻഡ്രം ഹോപ്പ് ഫൗണ്ടേഷനും താങ്ക്സ് എ ടൺ. പ്രത്യേകിച്ചും വിനോദേട്ടനും , ഗായത്രിക്കും.
കുറച്ചു ദിവസമായി ഫേസ്ബുക്കിലും , വാട്സാപ്പിലും കാണാത്തതിനാൽ 'ജയേഷേ നീ സേഫ്‌ അല്ലെ' എന്നു വിളിച്ചന്വേഷിച്ച എല്ലാ നോൺ മലയാളീ ഫ്രെൻഡ്സിനും ഒരായിരം നന്ദി.
Thanks to all my non-Malayali friends for their support and prayers showered on us during these bloody floody days
ക്യാമ്പ് പ്രവർത്തനങ്ങൾക്കിടയിൽ നേരിട്ട് കാണാൻ സാധിച്ചില്ല എങ്കിലും , പ്രവർത്തിയിൽ പ്രചോദനമായിത്തീർന്ന ട്രിവാൻഡ്രം സഞ്ചാരിയിലെ സന്നദ്ധ പ്രവർത്തകർക്കും, ഒറ്റദിവസത്തത്തെ പരിചയം കൊണ്ട് ഒരായുസ്സിലേക്കുള്ള ഫ്രണ്ട്ഷിപ്പും തന്നു വണ്ടി കയറിപ്പോയ ഷഫീക്ക് ഭായിക്കും, പ്രളയത്തിൽ പുതുതായി കിട്ടിയ സൗഹൃദങ്ങൾക്കും നന്ദി ..ഒരായിരം നന്ദി
തിരിച്ചു വരും നമ്മൾ, മുൻപത്തേക്കാളും മികച്ചതായി
#LetsUnite
